Raziya Series...

Long back myself and my friend had a bet. The bet was that he will sms one shayari and in return I have to send one..all own..no copy...Lets see who wins...So I started the race...So that day we exchanged so many shers..and you know what.. I won..!! Usne koi 3-4 bheje honge..maine tho uska inbox overflow kar diya..but I know he was fed up reading all my trash shers..he simply gave up ;) Usme aur bardasht karne ki takat nahin thi :)..No thoughts involved..its just a love for the rhymes...One thing I maintained in most of the shers, the name Raziya...and this was all done in one day..so you can also get ready to be bored... :)

Jab se mili hai Raziya..
Hum bhool gaye hai duniya...
Kuch yaad nahin hai mere yaara..
Tu patha batade apna dobara..


Hume nahin parwa uske jaat ki..
Ho chuke hai katputhli uske haath ki...
Duwa karo na nikle woh Bewafa..
Kyonki beti hai woh dhanwan ki...


Khoyle ki khan me heera hai woh..
Kishan kanayya ki meera hai woh..
Yug yugon ki tapas ka phal hai..
Be shaq jannat ka sitara hai woh..


Razia ki tarif sunke na hona behal...
Mere pyare mujhe bhi ban na hai malamal...
Par bata mat dena uske baap ko meri ye chaal...
Warna woh tho kardega mera halal..


Raziya tho ek bahana hai..
Apna maamla tho thoda purana hai..
Poori baat tho nahin batana hai...
Par shayari se thoda thoda sathana hai...


Zindagi ki dhoop me chaav hai Raziya...
Muskurane se uske khilthi hain kaliyan...
Sagar se gehri hain uske do akhiyan..
Kyon ithni sundar hothi hai ye ladkiyan..


Deewana dil maantha nahin..
Raziya ke bina kuch jaantha nahin...
Zaalim meri ye haalath banake..
Has rahi hai dekho jaise kuch bhi patha nahin..


Kisi zamane me hum bhi the ashiq...
Hamare peeche bhi thi ladkiyon ki traffic..
Woh zamana tho guzar gaya...
Par shukar hai ab bhi saath hai Raziya...


Huwa karthi thi meri zindagi khali...
Diya karthe the hum kismat ko gaali...
Par ab khili hai dil me Raziya ki rangoli...
Ab tho khelenge uske saath har din holi...


Sone nahin dethi mujhe Raziya ki yaad...
Ab tho koi nahin hai mera uske baad...
Arey reham karo kaise yar ho tum..
Chod diya mujhe yoon hi hone barbaad...


Har pal zubaan par bas Raziya ka naam..
Meri tho rathon ki neende haraam..
Uske bina ab tho kuch hotha nahin kaam...
Mujhko ab kaun bachaye, Allah ya Ram...


Kya mast hai ye barsaat ki raat...
Toofan bhi hai yahan bijli ke saath...
Dil chahe hathon me Raziya ka haath...
Par khuda jaane kab hogi apni mulakath..


Raziya jo meri zindagi se chali gayi..
Kya batavoon kya halat bana gayi..
Raat ko neend nahin, din ko chain nahin...
Mujhe tho kambakth jeeteji laash bana gayi...


Raziya ke bin zindagi aisi hai ki...
Kismat pe hum roye ya kismat humpe roye...
Kyon chodgayi hume besharam..
bina kuch bataye..


Har aankhon me dikhti hai Raziya ki tasweer..
Thod nahin paya hoon uske yadon ki zanjeer..
Ek baar tho muskuravo meri khatir...
Kyon nahin mitathi ye judai ki lakheer..


Arey kyon hothe ho gussa...
Mazha karo sunke Raziya ka kissa..
Mere dil ke tukde hain ye sher...
Sambhal ke rakhna inhe mere yar..


Kabhi kabhi mere aankhon ko mere dil se jalan hothi hai...
Pooch mere yaar kyon meri ankein rothi hain...
kyonki Raziya hamesha mere dil ke paas par aankhon se door hothi hai...


Patha nahin..us din shayad Galib ki rooh mujh par meherbaan huyi thi ...ya ye bhi ho saktha hai ki ye sab padke usne khud khushi karli ho :D